અરવલ્લી જિલ્લામાં ગ્રામ પંચાયતના કૉમ્પ્યુટર ઑપરેટર પડતર માંગણીને લઇને બેઠક
Advertisementમુખ્ય 5 માંગણીને લઇને ડીડીઓને આવેદન પત્ર આપ્યું
Advertisementમાંગ નહીં સંતોષાય તો ગાંધી માર્ગે આંદોલનની ચિમકી ઉચ્ચારી
Advertisement‘પહેલા ભરતી થવા માટે પડાપડી અને હવે હક જમાવવા મથામણ!’
Advertisementકેટલીક પંચાયતોમાં અરજદારોને કૉમ્પ્યુટર ઑપરેટર્સ તરફથી નથી મળતો યોગ્ય જવાબ
Advertisementકેટલીક પંચાયતોમાં ઑપરેટર્સને PM કિસાનના ફૉર્મ ભરતા પણ ન આવડતા હોવાની બૂમો
Advertisementઅરજદારોએ કલેક્ટર કચેરી સુધી ધરમના ધક્કા ખાવાની ફરજ
Advertisement
અરવલ્લી જિલ્લાની ગ્રામ પંચાતોમાં ફરજ બજાવતા વીસીઈ એટલે કે, કોમ્પ્યુટર ઓપરેટર મંડળ દ્વારા જિલ્લા વિકાસ અધિકારીને આવેદન પત્ર આપીને પોતાની પડતર માંગણીઓ સંતોષવા રજૂઆત કરી. આ માટે વીસીઈ ઓપરેટર યુનિયન દ્વારા કોંગ્રેસના ધારાસભ્યની આગેવાનીમાં રેલી યોજી જિલ્લા પંચાયત ખાતે પહોંચ્યા હતા, જ્યાં જિલ્લા વિકાસ અધિકારીને રજૂઆત કરી હતી.
પ્રાપ્ત માહિતી મુજબ કોમ્પ્યુટર ઓપરેટર્સને પંચાયત દ્વારા ગામના વ્યક્તિની નિમણૂક કરવામાં આવતી હોય છે, જેથી ગામનો વ્યક્તિ પંચાયતમાં કોમ્પ્યુટર ઓપરેટર તરીકે કામ કરી રોજગારી મેળવી શકે આ માટે સરકાર દ્વારા 50 થી વધારે ફોર્મ ભરવાની સુવિધાઓ ઉપલબ્ધ કરાવી છે, જે ફોર્મ ભરીને સરળતાથી કમિશન મળી શકે પણ આવું કરવું ન હોય તેવી બુમો ઉઠવા પામી છે.
એક અરજદારે પ્રધાનમંત્રી કિસાન સન્માન નિધીની ફોર્મ ડિસેમ્બર મહિનામાં ભર્યું હતું, અને મે મહિના સુધી અરજીના કાંઇ જ ઠેકાણા નોહાત, જ્યારે ફોર્મ ચેક કરાવવા જાય ત્યારે ફોર્મમાં કેટલીક વિગતો ખૂટતી હોવાનો મેસેજ ફ્લેશ થતો હતો, ત્યારબાદ પંચાયતના કોમ્પ્યુટર ઓપરેટર્સનો સંપર્ક કરવામાં આવે તો કહે કે ફોર્મ ભરાઇ ગયેલ છે. આખરે કંટાળી અરજદાર મોડાસા તાલુકા પંયાયત પહોંચ્યા જ્યાં કોમ્પ્યુટર ઓપરેટરનો સંપર્ક કરતા જાણવા મળ્યું કે, ફોર્મ ખોટી રીતે ત્રણ વાર ભરાઈ ગયું છે, જેથી બે અરજી ડિલિટ કરવામાં આવી અને આખરે ફોર્મ ભરી શકાયું.
કેટલીકવાર અરજદારોએ ગ્રામ પંચાયતોમાં કામ ન થતાં હોવાની બુમો ઉઠી રહી છે અને મોડાસા કલેક્ટર કચેરી અથવા તો જિલ્લા પંચાયત ખાતે પહોંચવું પડે છે, કારણ એ પણ જાણવા મળ્યું છે કે, કેટલીક પંચાયતોમાં ઓપરેટર હાજર હોતા નથી. સરકાર અલગ અલગ ફોર્મ ભરવા જેવી 50 થી વધારે ઓપ્શન આપ્યા છે, જેમાં આવકના દાખલા, જાતિના દાખલા, ઇ શ્રમ કાર્ડ, પીએમ કિસાન, જન આરોગ્ય લક્ષી સેવાઓ સહિતની સેવાઓના ફોર્મ ભરવાની સુવિધાઓ હોય છે.
પણ આજે અરવલ્લી જિલ્લાના કોમ્પ્યુટર્સ ઓપરેટર કોંગી ધારાસભ્યની આગેવાની સાથે જિલ્લા પંચાયત ખાતે પહોંચ્યા હતા અને જિલ્લા વિકાસ અધિકારીને રજૂઆત કરી હતી. 11 મે 2022 થી અચોક્કસ મુદતની હડતાળ ચાલું છે ત્યારે જિલ્લા વહીવટી તંત્ર દ્વારા અરજદારોને કોઇ અગવળ ન થાય તે માટેની અલાયદી વ્યવસ્થા કરવી જોઇએ તેવી પણ લોકમાંગ ઉઠવા પામી છે.