સાઉદી અરેબિયાએ સ્પષ્ટપણે કહ્યું છે કે તે તેલની કિંમતોને અંકુશમાં લેવા માટે ક્રૂડ ઓઈલનું ઉત્પાદન વધારશે નહીં. પેટ્રોલિયમના ભાવ વધારાના કારણે વિશ્વના તમામ દેશો મોંઘવારીની ઝપેટમાં આવી ગયા છે. અમેરિકામાં પણ મોંઘવારી વધી રહી છે, પરંતુ તેલના મોટા નિકાસકારો કાચા તેલનું ઉત્પાદન વધારવા માટે કોઈપણ રીતે સહમત નથી. વિશ્વના સૌથી મોટા તેલ ઉત્પાદક દેશોમાંના એક સાઉદી અરેબિયાએ સ્પષ્ટ કર્યું છે કે તે તેલની વધતી કિંમતોને રોકવા માટે કોઈ પગલાં લેશે નહીં. સાઉદીના વિદેશ મંત્રી પ્રિન્સ ફૈઝલ બિન ફરહાને કહ્યું છે કે તેલની કોઈ અછત નથી તો પછી કયા આધારે ક્રૂડ ઓઈલનું ઉત્પાદન વધારવું જોઈએ.
શું સાઉદી તેલ ઉત્પાદન વધારશે કે નહીં ?
બિઝનેસ ઇનસાઇડરના એક અહેવાલ અનુસાર, પ્રિન્સ ફૈઝલ બિન ફરહાને મંગળવારે દાવોસમાં વર્લ્ડ ઇકોનોમિક ફોરમને કહ્યું, “જ્યાં સુધી આપણે જાણીએ છીએ ત્યાં સુધી તેલની કોઈ અછત નથી. સાઉદી અરેબિયા આ મામલે જે કરી શકતું હતું, તેણે કરી બતાવ્યું છે.
ઇન્ટરનેશનલ એનર્જી એજન્સી (IEA) અનુસાર, સાઉદી અરેબિયા વિશ્વનો સૌથી મોટો ક્રૂડ ઓઇલ નિકાસકાર છે. માર્ચમાં IEA એ તેલની વધતી કિંમતોને કાબૂમાં લેવાના પ્રયાસમાં પોતાના રિઝર્વ સ્ટોકમાંથી વધુ તેલ છોડવા માટે 10-પોઇન્ટ પ્લાન તૈયાર કર્યો હતો.
વિશ્વભરમાં તેલની કિંમતોમાં વધારો થવા પાછળ રશિયા-યુક્રેન યુદ્ધ મુખ્ય કારણ છે. રશિયા વિશ્વના સૌથી મોટા તેલ ઉત્પાદક દેશોમાંનો એક છે. યુક્રેનના આક્રમણને કારણે રશિયન તેલ પર કડક પ્રતિબંધો લાદવામાં આવ્યા હતા, જેના કારણે વૈશ્વિક બજારમાં તેલની અછત સર્જાઈ હતી. ગયા વર્ષની સરખામણીમાં ક્રૂડ ઓઈલના ભાવમાં 70 ટકાનો વધારો થયો છે. રુસ-યુક્રેન યુદ્ધ પછી ક્રૂડ ઓઈલ જે $110 પ્રતિ બેરલ હતું તે હવે 20 ટકા વધ્યું છે.
સાઉદીના વિદેશ મંત્રીએ વર્લ્ડ ઈકોનોમિક ફોરમમાં સ્પષ્ટ કર્યું કે તેમનો દેશ કોઈપણ રીતે ક્રૂડ ઓઈલનું ઉત્પાદન વધારશે નહીં. પરંતુ આપણે જે સમસ્યાનો સામનો કરી રહ્યા છીએ તે અલગ છે અને તે બજારમાં ક્રૂડ ઓઈલ લાવવા કરતાં વધુ મુશ્કેલ છે.
તેલના ભાવમાં વધારાથી ભારત, અમેરિકા વગેરે દેશોમાં મોંઘવારી વધી છે. અમેરિકામાં એપ્રિલ મહિનામાં ફુગાવાનો દર 8.3 ટકા હતો. જ્યારે ભારતમાં મોંઘવારી દર એપ્રિલ મહિનામાં 7.8 ટકા હતો. આ મોંઘવારીની સ્થિતિ પાછળથી વધુ ગંભીર બની શકે છે.