ઈઝરાયેલ અને પેલેસ્ટાઈન વચ્ચે ગયા શનિવારથી યુદ્ધ ચાલી રહ્યું છે. આ ત્રણ દિવસમાં ગાઝા અને પશ્ચિમ કાંઠા વિસ્તારમાં 704 લોકોના મોત થયા છે જ્યારે 2616 લોકો ઘાયલ થયા છે. બીજી તરફ ઈઝરાયેલમાં 900 લોકોના મોત થયા છે અને 3800 લોકો ઘાયલ થયા છે. આ દરમિયાન ઈઝરાયેલના વડાપ્રધાન નેતન્યાહુએ કહ્યું કે અમે યુદ્ધની શરૂઆત નથી કરી પરંતુ અમે તેને ચોક્કસ ખતમ કરીશું.
Israel is at war.
We didn’t want this war.
It was forced upon us in the most brutal and savage way.
But though Israel didn’t start this war, Israel will finish it.Once, the Jewish people were stateless.
Once, the Jewish people were defenseless.
No longer.Hamas will… pic.twitter.com/eVECGnzLu3
— Benjamin Netanyahu – בנימין נתניהו (@netanyahu) October 9, 2023
ઈઝરાયેલે સૈનિકોને અનામતમાં બોલાવ્યા
રિપોર્ટ અનુસાર, હમાસ દ્વારા કરવામાં આવેલા હુમલા બાદ ઈઝરાયલે પોતાના સૈન્ય દળોને સ્ટેન્ડબાય મોડ પર મૂકી દીધા છે. ઇઝરાયલે હમાસ સામે કડક કાર્યવાહી કરવા માટે 3,00,000 સૈનિકોને એકત્ર કર્યા છે.1973ના યોગ કિપ્પુર યુદ્ધમાં પણ ઇઝરાયલે 400,000 અનામત સૈનિકોને બોલાવ્યા હતા.
પીએમ નેતન્યાહુની ધમકી
ઈઝરાયેલના વડાપ્રધાન બેન્જામિન નેતન્યાહુએ પોતાના સંબોધનમાં કહ્યું કે ઈઝરાયેલ હવે યુદ્ધમાં છે. અમને આ જોઈતું ન હતું. ઈઝરાયેલે તેની શરૂઆત નથી કરી પરંતુ અમે તેને ચોક્કસ ખતમ કરીશું. પીએમએ કહ્યું કે હમાસને આ હુમલાની કિંમત ચૂકવવી પડશે. તેમણે કહ્યું કે અમે હમાસ પાસેથી એવી કિંમત વસૂલ કરીશું કે ઇઝરાયેલના અન્ય દુશ્મનો દાયકાઓ સુધી યાદ રાખશે.
હમાસ ISISની જેમ કામ કરે છે
વડાપ્રધાન નેતન્યાહુએ બંધકો પર કહ્યું કે નિર્દોષ ઇઝરાયલી લોકો પર હમાસ દ્વારા કરવામાં આવેલા હુમલા આઘાતજનક છે, તેમની ભૂલ નથી. હમાસના લડવૈયાઓ ઘરોમાં ઘૂસીને પરિવારોને મારી નાખે છે, તહેવારમાં સેંકડો લોકોની હત્યા કરે છે. આ બધું ભયંકર બર્બરતા છે, ગુનાઓ છે. પીએમએ હમાસની સરખામણી ISIS સાથે કરી અને તેને હરાવવા માટે હાકલ કરી.
