આ વખતે કોંગ્રેસના વિરોધમાં નવું સુત્ર સાંભળવા મળ્યું, “સસ્તા દારૂ, મહેંગા તેલ”
Advertisementવારંવાર પેપર લીક થવાની ઘટનાને કોંગ્રેસે વખોડી નાખી
Advertisementમોડાસા ચાર રસ્તાથી બસ સ્ટેશન સુધી સુત્રોચ્ચાર સાથે રેલી યોજી
Advertisementરેલી યોજી વિરોધ કરતા 50 કાર્યકરોની અટકાયત
Advertisementકોંગી નેતાઓને પોલિસ ઉપાડી-ઉપાડી ગાડીમાં બેસાડી દીધા
Advertisement
રાજ્ય સહિત દેશભરમાં મોંઘવારીને લઇને કોંગ્રેસ પાર્ટી દ્વારા વિરોધ કરવામાં આવી રહ્યો છે, ત્યારે ગુજરાત પ્રદેશ કોંગ્રેસ સમિતિ દ્વારા વિરોધ કરવાના આદેશ બાદ અરવલ્લી જિલ્લા કોંગ્રેસ પાર્ટી દ્વારા વિરોધ કરવામાં આવ્યો. મોડાસા મહાલક્ષ્મી ટાઉનો હોલ ખાતે કોંગ્રેસ પાર્ટી દ્વારા ભારે વિરોધ કરવામાં આવ્યો હતો, જેમાં જિલ્લાભરમાંથી મોટી સંખ્યામાં કોંગી નેતાઓ જોડાયા હતા. તેલના ડબ્બા સાથે કોંગી નેતાઓ મહાલક્ષ્મી ટાઉન હોલ ખાતે પહોંચ્યા હતા, અને ખાલી ડબ્બા વગાડી વિરોધ દર્શાવ્યો હતો. તેલ,પેટ્રોલ-ડિઝલ અને વારંવાર પેપર લીકની ઘટનાઓને લઇને કોંગ્રેસ પાર્ટી દ્વારા વિરોધ કર્યો હતો.
કોંગ્રેસના વિરોધમાં પ્રથમવાર દારૂબંધીને લઇને વિરોધ જોવા મળ્યો
ગુજરાતમાં દારૂબંધી છે ત્યારે મોંઘવારીમાં દારૂ કરતા તેલના ભાવમાં ધરખમ વધારો થયો હોવાનું કોંગ્રેસ પાર્ટીએ સુત્રોચ્ચાર કરી લોકો સુધી સંદેશ પહોંચાડ્યો હતો. અરવલ્લી જિલ્લામાં કોંગ્રેસ પાર્ટીના વિરોધમાં સસ્તા દારૂ, મહેંગા તેલના સુત્રોચ્ચાર સાંભળવા મળ્યા હતા, ત્યારે એકવાત સ્પષ્ટ છે કે, અરવલ્લી જિલ્લામાં ઠેર ઠેર દારૂનું વેચાણ થાય છે, અને તે પણ સસ્તા ભાવે, કારણ કે, કોંગ્રેસ પાર્ટીમાં સુત્રોચ્ચાર થયા, સસ્તા દારૂ મહેંગા તેલ.
પેપર લીકની ઘટનાનો પણ વિરોધ
વારંવાર પેપર લીક જેવી ઘટનાઓ થતાં ઉમેદવારોની મહેનત પણ પાણી ફરી વળતા કોંગ્રેસ પાર્ટી દ્વારા ભારે વિરોધ કરવામાં આવ્યો હતો. અરવલ્લી જિલ્લા કોંગ્રેસ પાર્ટી દ્વારા સુત્રોચ્ચાર કરીને પેપર લીકની ઘટનાથી ઉમેદવારોને અન્યાય થતો હોવાનું પાર્ટીના આગેવાનોએ જણાવ્યું હતું.
પોલિસ ગ્રેડ પે થી પોલિસ કર્મીઓ નારાજ !
હાલ પોલિસ કર્મચારીઓના ગ્રેડ પે ને લઇને વિરોધ કરવામાં આવ્યો હતો ત્યારે અમદાવાદ ખાતે સસ્પેન્ડેડ મહિલા પોલિસ કર્મચારી એકમાત્ર પોલિસ ગ્રેડ પે ને લઇને વિરોધ કરી રહી છે ત્યારે કોંગ્રેસ પાર્ટી દ્વારા પણ પોલિસ ગ્રેડ પે ને લઇને વિરોધ કરવામાં આવ્યો હતો.
સામાન્ય તેમજ ગરીબ પરિવારોએ ઘર ચલાવવું મુશ્કેલ બન્યું છે, તેવા સુત્રોચ્ચાર સાથે કોંગ્રેસ પાર્ટીએ આક્રમક વિરોધ કર્યો હતો, મોડાસા મહાલક્ષ્મી ટાઉન હોલ ખાતેથી કોંગી નેતાઓએ ચાર રસ્તા પોલિસ ચોકીથી રેલી યોજી હતી, જે બસ સ્ટેશન પહોંચી હતી અને ત્યારબાદ પરત ફરતા ચાર રસ્તા પોલિસચોકી ખાતે 50 જેટલા કાર્યકરોને પોલિસે અટકાય કરી હતી.
અરવલ્લી જિલ્લા પંચાયત ન્યાયસ સમિતિના પૂર્વ ચેરેમેન અને કોંગી નેતા રેવાભાઈ ભાંભી એ માથે ડબ્બો મુકી અનોખો વિરોધ કર્યો, સાંભળો તેમણે શું કહ્યું