દરેક પેરેન્ટ્સને એમ હોય છે કે બીજા કરતા મારું બાળક સ્માર્ટ હોય..જો કે આજકાલ પોતાના બાળકને સ્માર્ટ બનાવવા માટે અનેક પેરેન્ટ્સ ના કરવાનું કરી બેસતા હોય છે. આમ, જોવા જઇએ તો બાળકોની કાળજી રાખવી ખૂબ મુશ્કેલ કામ હોય છે. તમારું બાળક મોટું થઇને શું બનશે અને બીજા સાથે કેવુ વર્તન કરશે એ વાત પર નિર્ભર કરે છે કે તમારું વર્તન એની સાથે કેવું હોય છે. જો કે બાળકને વધારે સ્માર્ટ બનાવવામાં અનેક પેરેન્ટ્સ મોટી-મોટી ભૂલો કરી બેસતા હોય છે જે આગળ જતા બાળકને જીદ્દી અને ખરાબ બનાવી દે છે. તો જાણો તમે પણ અત્યારથી જ કઇ વાતોનું ધ્યાન રાખશો.
જવાબદારીઓ આપશો નહિં
સામાન્ય રીતે ભારતીય પરિવારમાં મોટાભાગના પેરેન્ટ્સે છોકરીઓને અનેક કામ શીખવાડતા હોય છે પરંતુ છોકરાઓને કામ શીખવાડતા હોતા નથી. જો તમે પણ કંઇક આવું કરો છો તો તમારે વિચારવાની જરૂર છે. આમ કરવાથી આગળ જઇને તમારે બહુ પસ્તાવાનો વારો આવશે,
દિકરા-દીકરીમાં ભેદભાવ ના રાખો
અનેક ઘરોમાં આજે પણ લોકો દિકરા-દીકરીમાં ભેદભાવ રાખતા હોય છે. આમ, જો તમે પણ આવું કરી રહ્યા છો તો તમારે તમારા સ્વભાવમાં બદલાવ લાવવો જોઇએ. આમ કરવાથી બાળકના મગજ પર બહુ ખરાબ અસર પડે છે જેના કારણે આગળ જતા તમે બહુ હેરાન થાવો છો.
દિકરાની ઇચ્છાઓ સપોર્ટ ના કરો
અનેક પેરેન્ટ્સ દીકરો સમજીને એની બધી જ જીદો પૂરી કરતા હોય છે. જો કે આ જીદ્દ તમને આગળ જતા અનેક મુશ્કેલીઓમાં મુકી શકે છે. ક્યારે પણ છોકરાઓની જીદ્દ એક ઝાટકે પૂરી કરશો નહિં. આમ કરવાથી આગળ જતા તમને અનેક ધણાં પ્રોબ્લેમ્સ થઇ શકે છે.