અભિનેત્રી કાજલ અગ્રવાલ ટૂંક સમયમાં માતા બનવા જઈ રહી છે અને આ દિવસોમાં તે પોતાની પ્રેગ્નેન્સીને ખૂબ એન્જોય કરી રહી છે અને સોશિયલ મીડિયા પર ચાહકો સાથે આ સુંદર સફર શેર કરતી જોવા મળે છે.
કાજલ અગ્રવાલે બ્લેક ડ્રેસમાં સુંદર પોઝ આપ્યા હતા. આ દરમિયાન તે પોતાનો બેબી બમ્પ બતાવતી જોવા મળી હતી.
તમે આ તસવીરમાં જોઈ શકો છો કે કાજલ તેના નાના મહેમાન આવવાની રાહ જોઈ રહી છે. કાજલ પોતાના હાથ વડે આલિંગન કરતી જોવા મળે છે.
કાજલ માત્ર સોશિયલ મીડિયા પર પોતાની તસવીરો જ નથી શૅર કરી રહી છે પરંતુ તેના અનુભવો પણ ફેન્સ સાથે શૅર કરી રહી છે.
હાલમાં જ એક તસવીર શેર કરતા કાજલે જણાવ્યું કે તે પ્રેગ્નન્સી દરમિયાન કેવી રીતે માનસિક તબક્કામાંથી પસાર થઈ રહી છે. તેણે લખ્યું, આ સરળ નથી, કેટલીકવાર તમને લાગે છે કે બધું તમારા નિયંત્રણમાં છે અને બીજી જ ક્ષણે તમને એવું લાગવા માંડે છે કે બધું જ ખૂટે છે. મૂડ સ્વિંગ, નર્વસનેસ જેવી લાગણીઓ તમને ઘેરી વળે છે.
તમને જણાવી દઈએ કે કાજલ અગ્રવાલે ઓક્ટોબર 2020 માં લગ્ન કર્યા હતા અને જાન્યુઆરી 2022 માં તેની પ્રથમ ગર્ભાવસ્થાની જાહેરાત કરી હતી.