અમદાવાદ મ્યુનિસિપલ કોર્પોરેશનના પૂર્વઝોન હદ વિસ્તારમાં એસ્ટેટ અને નગર વિકાસવિભાગ દ્વારા દબાણો હટાવવાની કામગીરી કરવામાં આવી હતી.
Advertisement
સ્વચ્છ ભારત મિશન-2.0 અંતર્ગત પૂર્વ ઝોનના જુદા જુદા વોર્ડ વિસ્તારમાં મુખ્ય રસ્તાઓ તથા પે એન્ડ યુઝ શૌચાલયો તથા ફુટપાથ પરના દબાણો તથા બિન-અધિકૃત બેનર્સ હોર્ડિંગ્સ દૂર કરવાની કામગીરી કરવામાં આવી હતી.
-અમરાઇવાડી વોર્ડમાં રબારી કોલોની ચાર રસ્તા થી એપરલ પાર્ક સુધી તથા ચકુડીયા મહાદેવ મંદિર પાસે, શ્રમિક ક્રાંતી બાગની આગળના રોડ પરથી 4-નંગ ઝુંપડા, 14-નંગ પતરાના શેડ, 11 નંગ જાહેરાતના નાના મોટા બોર્ડ તથા 19-નંગ પરચુરણ માલ-સામાન દૂર જપ્ત કરેલ છે.
– નિકોલ વોર્ડમાં ખોડીયાર મંદિર થી શુકન ચાર રસ્તા થઇ ગંગોત્રી સર્કલ થઇ સ્વામીનારાયણ ગુરૂકુળ થઇ ડી-માર્ટ જંકશન થઈ નિકોલ ફાયર સ્ટેશન સુધીના રોડ પરથી 01-નંગ છતવાળી લારી, 01 નંગ સાદી લારી, 02-નંગ આઇસ બોક્ષ, 02-નંગ ખુરશી, 01-નંગ વજન કાંટો, 02-નંગ છત્રી, 13-નંગ કેરેટ, 17-નંગ જાહેરાતના નાના મોટા બોર્ડ તથા ૨૯નંગ પરચુરણ માલ-સામાન જપ્ત કરેલ છે.
– વિરાટનગર વોર્ડમાં વિરાટનગર ચાર રસ્તા થી ફુવારા સર્કલ તથા મંગલ પાંડે હોલ થી જીવનવાડી
થઈ સરદાર મોલ થઇ તથા વિરાટનગર ચાર રસ્તા થી સોની ચાલી સુધીના રોડ પરથી 40-નંગ
જાહેરાતના નાના મોટા બોર્ડ તથા 21-નંગ પરચુરણ માલ-સામાન જપ્ત કરેલ છે. વસ્ત્રાલ વોર્ડમાં તક્ષશીલા રોડ થી પાંજરા પોળ થઇ માધવ ફાર્મ રોડ તથા વસ્ત્રાલ તળાવ રોડ તથા મેટ્રો રોડ પરથી 01-નંગ શેડ, 01-નંગ સાદી લારી, 10-નંગ જાહેરાતના નાના/મોટા બોર્ડ તથા ૧૫-નંગ પરચુરણ માલ-સામાન દૂર જપ્ત કરેલ છે.
રામોલ-હાથીજણ વોર્ડમાં રામોલ ટોલ ટેક્ષ થી સબ-ઝોનલ ઓફિસ, લાલગેબી સર્કલ સુધીના રોડ પરથી 03-નંગ કેરેટ, 15-નંગ જાહેરાતના નાના મોટા બોર્ડ તથા ૩૧-નંગ પરચુરણ માલ-સામાન જપ્ત કરેલ છે.
આમ, ઉપરોક્ત પૂર્વ ઝોનના જુદા જુદા વોર્ડના ટી.પી.રસ્તા પરથી 04-નંગ ઝૂંપડા, 16-નંગ શેડ, 03-નંગ સાદી લારી, 02-નંગ આઇસ બોક્ષ, 02-નંગ ખુરશી, 01-નંગ વજન કાંટો, 02-નંગ છત્રી, 13-નંગ કેરેટ, 93-નંગ જાહેરાતના નાના મોટા બોર્ડ તથા 112-નંગ પરચુરણ માલ-સામાન દૂર જપ્ત કરેલ છે.
આગામી દિવસોમાં પણ ટી.પી. રસ્તા પરના દબાણ ,મ્યુનિ રીઝર્વ પ્લોટમાં થયેલ દબાણ , બિન પરવાનગીના બાંધકામો તેમજ બોર્ડ બેનરો દુર કરવાની કાર્યવાહી જારી રાખવામાં આવશે.
Advertisement