અમેરીકી રાષ્ટ્રપતિ જો બાયડને યુક્રેનની મદદ કરવા માટે અમેરીકી કોંગ્રેસ પાસે 33 અરબ ડોલરની કરી માંગ

અમેરીકી રાષ્ટ્રપતિ જો બાયડને યુક્રેનની મદદ કરવા માટે અમેરીકી કોંગ્રેસ પાસે 33 અરબ ડોલરની માંગ કરી છે. આ પેકેજનો મોટોભાગ યુક્રેનને દારૂગોળો અને અન્ય સૈન્ય સહાયતા પૂરી પાડશે. અમેરીકી રાષ્ટ્રપતિએ યુક્રેન માટે સહાયતા માંગ પર હસ્તાક્ષર કર્યા બાદ વ્હાઇટ હાઉસમાં કહ્યું કે આપણે સ્વતંત્રતાની લડાઇમાં યુક્રેનનું સમર્થન કરવા આ વિધેયકની જરૂરિયાત છે. તેમણે કહ્યું કે, આ લડાઇ સસ્તી નથી જોકે આક્રમકતા સામે જુકવું વધુ મોંઘુ પડનાર છે. તેમણે કહ્યું કે, મોસ્કો માત્ર યુક્રેન જ નહી પરંતું સમગ્ર પશ્રિમ સાથે લડી રહ્યું છે. અમે રશિયા પર હુમલો નથી કરી રહ્યાં અમે યુક્રેનને રશિયાના આક્રમણથી બચાવવામાં મદદ કરી રહ્યાં છીએ.