અરવલ્લી જિલ્લામાં હાલ ગરમીનો પારો 43 ડિગ્રી કરતા ઉપર પહોંચી ગયો છે, જેને લઇને આગની ઘટનાઓમાં સતત વધારો નોંધાઈ રહ્યો છે. આ વચ્ચે ભિલોડામાં રસ્તા વચ્ચે ઇકો કાર ભળકે બળતા અફરા-તફરી મચી જવા પામી હતી. ઘટનાની જાણ થતાં સમય સૂચકતા વાપરી કાર ચાલક કારમાંથી ઉતરી જતાં મોટી દુર્ઘટના ટળી હતી.
પ્રાપ્ત માહિતી મુજબ ભિલોડાના નારસોલી રોડ પર કારમાં અચાનક આગ લાગવાની ઘટના ઘટી હતી, જેમાં શોર્ટ સર્કિટથી આગ લાગી હોવાનું પ્રાથમિક અનુમાન લગાવવામાં આવી રહ્યું છે. ઘટનાની જાણ થતાં લોકોના ટોળે-ટોળા ઉમટી પડ્યા હતા અને આગ પર કાબૂ મેળવવાનો પ્રયાસ કર્યો હતો. આખરે આગ કાબૂમાં તો આવી પણ કાર બળીને ખાક થઇ ગઇ. સદભાગ્યે આગની ઘટનામાં મોટી દુર્ઘટના ટળી હતી.
જુઓ આગનો વીડિયો