હિંમતનગરને અડીને આવેલ વીરપુર રેલવે કોલોની તરીકે ઓળખાતા બાયપાસ રોડ નજીકના વિસ્તારમાં બુધવારે સવારે રીંછે બે જણાને સામાન્ય ઇજાઓ કરી હતી. વન વિભાગને જાણ કરતા મોડી બપોરે ટ્રાન્કવિલાઇઝર આપી રેસ્ક્યૂ કરાતા ઉમટેલા લોકોએ રાહતનો દમ લીધો હતો.
પીંપોદરથી પૂર્વમાં દસેક કિ.મી.ના અંતરે તા.11/05/22ના રોજ સવારે વિરપુર બાયપાસ રોડ નજીક રેલવે કોલોનીના ગૌચર વિસ્તારમાં રીંછ જોવા મળ્યું હતું. અને માણસને જોઇને પાછળ દોડતા ફફડાટ વ્યાપી ગયો હતો વન વિભાગને જાણ કરાયા બાદ વનકર્મીઓ અને પોલીસ પણ સ્થળ પર દોડી આવી હતી અને રીંછને કોર્ડન કરી ઘેરો ઘાલવામાં આવ્યો હતો અને રીંછને બેભાન કરી રેસ્ક્યુ કરવા જેસોની ટીમ બોલાવાઇ હતી રીંછ વીરપુરમાં દેખાયુ તેના થોડા સમય અગાઉ વક્તાપુરમાં પણ દેખાયું અને રેલવે ટ્રેક પર જ પાણીની શોધમાં વીરપુર સુધી આવી પહોંચ્યાનુ માનવામાં આવી રહ્યુ છે.
ઝૂલ્ફીકારભાઇ ખણુશીયાએ કહ્યું, વીરપુર બાયપાસ રોડ નજીક સરકારી ખરાબામાં – ખાબોચીયા નજીક રીંછ બેઠેલુ હતંુ ત્યાં એક ભાઇ લઘુશંકા કરવા જતા તેની ઉપર રીંછે હુમલો કર્યો હતો એના પછી વન વિભાગને જાણ કરતા વનકર્મીઓ આવી પહોંચ્યા હતા અને તેમની સાથે રીંછની શોધખોળ કરતા વીરપુર ફાટક પાસે રીંછે ટોળુ જોઇ એકાએક હુમલો કરી દેતા બધા ભાગવા માંડ્યા હતા સાથે એક કાકા હતા તેમને પગે ડૂચો ભરી લીધો હતો સાથે હું હતો હું પણ પડી ગયો હતો અને હાથ પગે છોલાયો હતો. 108 બોલાવી ઇજાગ્રસ્તને મોકલ્યા હતા.
રીંછના રેસ્ક્યુનો વીડિયો
જેસોર રીંછ અભયારણ્યથી હિંમતનગર પહોંચ્યું !
બનસાકાંઠા જિલ્લામાં જેસોર રીંછ અભયારણ્ય આવેલું છે જ્યાં મોટી સંખ્યામાં રીંછનો વસવાસ છે, વનવિભાગ દ્વારા દેખરેખ રાખવામાં આવતી હોય છે, ત્યારે હાલ ઉનાળાની કાળઝાળ ગરમીમાં પાણીની શોધમાં રીંચ સાબરકાંઠા જિલ્લામાં આવ્યાનું અનુમાન લગાવાઈ રહ્યું છે. જેસોર અભયારણ્યમાં પાણી ન હોવાથી પાણી માટે વલખા મારતું રીંચ બનાસકાંઠાના જેસોર જંગલમાંથી હિંમતનગર સુધી આવી પહોંચ્યું હતું. જેને પરત લઇ જવામાં ભારે જહેમત ઉઠાવવી પડી હતી.
રીંછનું રેસ્ક્યુ
80 મિનિટમાં પકડાયું
જેસોર થી રેસ્કયું ટીમ આવ્યા બાદ કાર્યવાહી શરૂ થઇ
5 વાહનો સાથે કોર્ડન કર્યું
3 ટીમ સાથે કર્યું રીંછનું રેસ્ક્યુ
રીંછ ને બેભાન કર્યા બાદ જાળ માં વિટી બહાર લાવ્યા
રીંછ ને પાજરામાં પૂર્યા બાદ જેસોર લઇ જવાયું
4 રેસ્ક્યુ ટીમ સાથે 70 થી વધુ કર્મચારીઓ જોડાયા