અરવલ્લી SP સંજય ખરાતના માર્ગદર્શન હેઠળ પ્રોહિબિશનની શખ્ત કાર્યવાહી,ચોરી લૂંટના વણઉકેલ્યા ગુન્હાનો ઝડપથી ભેદ ઉકેલાઈ રહ્યો છે ઇસરીમાં ભાડે રહેતા એક યુવકની ઘર આગળ પાર્ક કરેલી પલ્સર બાઈક ચોરી થતા પોલીસે ગણતરીના કલાકોમાં બાઈક ચોર યુવકને નવા ગામ-કંટાળું રોડ પરથી દબોચી લઇ જેલના સળિયા પાછળ ધકેલી દીધો હતો ઇસરી PSI દેસાઈ અને તેમની ટીમે ત્વરીત બાઈક ચોરીના ગુન્હાનો ભેદ ઉકેલી નાખતા લોકોએ સરાહના કરી હતી.
ઇસરીમાં રહેતા જોસેફકુમાર આનંદભાઈ ડેંડુણની ઘર આગળ પાર્ક કરેલી પલ્સર-220 બાઈક ચોરી થતા આજુબાજુ શોધખોળ હાથધરી હતી બાઈકનો કોઈ અત્તોપતો ના લાગતા ઇસરી પોલીસ સ્ટેશનમાં બાઈક ચોરીની ફરિયાદ નોંધાવી હતી.
હાઈસ્પીડ બાઈક ચોરીની ઘટનાના પગલે ઇસરી પીએસઆઈ દેસાઈ તેમની ટીમે બાતમીદારો અને સર્વલન્સના આધારે તપાસ હાથધરી હતી ત્યારે ચોરેલી બાઈક સાથે બાઈક ચોર નવાગામ થી કંટાળું રોડ તરફ જવાનો હોવાની બાતમી મળતા પોલીસે સમગ્ર રોડ પર પોલીસની વોચ ગોઠવી દીધી હતી બાઈક ચોર નવીન સુહીલભાઈ ભગોરા (રહે,મોટા કંથારીયા-ભિલોડા) હાઈ સ્પીડ બાઈક સાથે પસાર થતા તેને દબોચી લઇ જેલના સળિયા પાછળ ધકેલી દઈ પોલીસે 80 હજારની બાઈકના ગુન્હાનો ભેદ ઉકેલી નાખી બાઈક ચોર યુવક સામે કાયદેસરની કાર્યવાહી હાથધરી હતી