રાજ્યમાં કોરોનાના કેસમાં સતત વધારો થઇ રહ્યો હોય તેવું લાગે છે, આ વચ્ચે અરવલ્લી જિલ્લામાં કોરોનાના 8 પોઝિટિવ કેસ નોંધાતા આરોગ્ય વિભાગમાં દોડધામ મચી જવા પામી છે. એકસાથે પ્રથમવાર 8 પોઝિટિવ કેસ નોંધાતા આરોગ્ય વિભાગની ચિંતામાં વધારો થયો છે. છેલ્લા ઘણાં સમયથી જિલ્લામાં કોરોનાના કેસમાં 1 થી 3 કેસ સરેરાશ વધતા હતા, જોકે સોમવારે સાંજે એકસાથે 8 પોઝિટિવ કેસ નોંધાયા હોવાનું આરોગ્ય વિભાગે જણાવ્યું હતું.
અરવલ્લી જિલ્લામાં કોરોનાના કેસ
મોડાસા – 2
ભિલોડા – 2
બાયડ – 4
અરવલ્લી જિલ્લામાં છેલ્લા બે મહિનામાં કોરોનાના સરેરાશ 22 જેટલા કેસ નોંધાયા છે, જેની સામે વેક્સિનેશન કામગીરી પણ પૂરજોશમાં કરવામાં આવી રહી છે. કોરોનાના વધતા કહેરને લઇને જિલ્લામાં વેક્સિનેશનની વાત કરવામાં આવે તો પ્રથમ ડોઝ 8.56 લાખ જ્યારે બીજો ડોઝ 8.55 લાખ લોકોને આપવામાં આવ્યો છે. આ સાથે જ 1.27 લાખ લોકોને પ્રીકોશન આપવાની કામગીરી પૂર્ણ કરવામાં આવી છે.