સમગ્ર રાજ્યમાં ભારે વરસાદ વરસી રહ્યો છે, સૌરાષ્ટ્ર, ઉત્તર ગુજરાત, મધ્ય ગુજરાત તેમજ દક્ષિણ ગુજરાતમાં વરસાદી માહોલ જામ્યો છે ત્યારે સૌરાષ્ટ્રના કેટલાક વિસ્તારોમાં વરસાદની આગાહી કરવામાં આવી છે. સૌરાષ્ટ્રના દ્વારકામાં ભારે વરસાદની આગાહીને પગલે ઓખા બંદરે 2 નંબરનું સિગ્નલ લગાવી દેવાયું છે.
હવામાન વિભાગની આગાહીના પગલે દેવભૂમિ દ્વારકા જિલ્લા ના ઓખા તેમજ સલાયા બંદરે 3 નંબર નું સિગ્નલ લગાવવામાં આવ્યું છે. હવામાન વિભાગે 13 તારીખ સુધી ભારેથી અતિ ભારે વરસાદની આગાહી કરી છે, જેને લઇને ઓખા અને સલાયા બંદરે 3 નંબરનું સિગ્નલ લગાવ્યું છે. આગાહી દરમિયાન દરિયામાં 45 થી 50 કિલો મીટરની ઝડપે પવન ફૂંકવાની પણ શક્યતાઓ વ્યક્ત કરવામાં આવી છે, જેને લઇને માછીમારોને દરિયો ન ખેડવા માટે સૂચનાઓ આપવીમાં આવી છે.
તો બીજી બાજુ જુનાગઢ જિલ્લામાં પણ ભારે વરસાદની આગાહી કરવામાં આવી છે, જેને લઇને માંગરોળ બંદર પર 3 નંબરનું સિગ્નલ લગાવવામાં આવ્યું છે. વરસાદગની આગાહીને પગલે માંગરોળના દરિયામાં કરંટ જોવા મળી રહ્યો છે. માછીમારોને દરિયો ન ખેડવા માટે પણ સૂચનાઓ આપવામાં આવી છે.
રાજ્યના અલગ અલગ વિસ્તારોમાં ભારે વરસાદ જામ્યો છે ત્યારે હવે સૌરાષ્ટ્ર તરફ વરસાદની આગાહી કરવામાં આવતા વહીવટી તંત્ર દ્વારા તકેદારીના પગલા લેવામાં આવી રહ્યા છે.