દેશના વડાપ્રધાન નરેન્દ્ર મોદી સામાન્ય નાગરિકની ચિંતા કરી રહ્યા છે બીજીબાજુ ગુજરાત ભાજપના કેટલાક નેતાઓની જીભ લપસી પડતી હોવાથી અનેક વાર સરકાર પર પસ્તાળ પડતી હોય છે સાબરકાંઠાના સાંસદ દીપસિંહ રાઠોડે સરકારી કર્મચારીઓ હડતાળ અંગે એ એમનો અંગત મામલો છે એમાં આપણ કોઈ લેવા દેવા નહીં હોવાનું નિવેદન કરતા આરોગ્ય કર્મીઓમાં સાંસદના નિવેદન સામે ભારે આક્રોશ પ્રવર્તી રહ્યો છે
ગુજરાતમાં ચૂંટણીના ડાકલા વાગી રહ્યા છે રાજ્યની મુલાકાતે સતત નેતાઓના આંટાફેરા વધી રહ્યા છે ગુજરાતમાં હાલ આરોગ્ય કર્મચારીઓ તેમની પડતર માંગણીઓને લઈને હડતાળ પર છે અને સમગ્ર રાજ્યમાં કલેકટરને આવેદનપત્ર આપવાની સાથે દેખાવો કરી રહ્યા છે સરકાર આરોગ્ય કર્મીઓની પડતર માંગણીઓ અંગે હજુ કોઈ યોગ્ય નિરાકરણ પર આવી નથી હડતાળ વધુ દિવસો ચાલતા આરોગ્ય કર્મીઓ પણ આક્રમક જણાઈ રહ્યા છે.
અરવલ્લી જીલ્લા કલેકટર કચેરીમાં સાંસદ દીપસિંહ રાઠોડની અધ્યક્ષતા હેઠળ દિશા સમિતિની બેઠક મળી હતી જેમાં જીલ્લામાં વિવિધ લક્ષી યોજનાઓના ધ્યેય અને પ્રગતિ અંગે સમીક્ષા કરવામાં આવી હતી દિશાની બેઠક પછી દીપ સિંહ સાંસદને પત્રકારોએ આરોગ્ય કર્મીઓ હડતાળ પર છે આ અંગે તેમનો મત જાણવાનો પ્રયત્ન કરતા તેમને રમુજી સ્વભાવમાં એ એમનો અંગત મામલો છે એમાં આપણ કોઈ લેવા દેવા નહીં હોવાનું નિવેદન કરતા આરોગ્ય કર્મીઓમાં સાંસદના નિવેદન સામે ભારે આક્રોશ પ્રવર્તી રહ્યો છે.