અમદાવાદ: 55 વર્ષના મહિલા દર્દીના પેટમાંથી 5 કિ.લો. ની ગાંઠ કાઢી સફળ સર્જરી

અમદાવાદ મ્યુનિસિપલ કોર્પોરેશન સંચાલિત એસ.વી.પી. હોસ્પિટલ ખાતે આજ રોજ એક જટિલ અને ગંભીર સર્જરી સુખદ રીતે પાર પાડવામાં આવેલ છે.

55 વર્ષ ના મહિલા દર્દી ના પેટમાંથી અંદાજે 5 કિલો ની વજનદાર ગાંઠ જેની સાઈઝ 25×25×28 cm. જેટલી હતી તે હિસ્ટેકટોમી સર્જરી કરી બહાર કાઢવામાં આવેલ છે.

સામાન્ય રીતે આવા જટિલ ઑપરેશન ઓછા થતા હોય છે અને તેમાં દર્દી ના જાનનું પણ જોખમ રહેવા પામતું હોય છે. તેમ છતાં, એસ.વી.પી. હોસ્પિટલ ના ગાયનેક (પ્રસુતિ) વિભાગના વડા ડૉ. પારુલબેન શાહ ની આગેવાનીમાં સમગ્ર ગાયનેક તથા એનેસથેસિયા વિભાગના ડૉક્ટરોએ ઓપરેશન પાર પાડેલ છે તથા દર્દી હાલમાં સંપૂર્ણ સ્વસ્થ છે.