શામળાજી પોલીસ સ્ટેટ મોનેટરીંગ સેલમાં એસપી તરીકે નિર્લિપ્ત રાયની નિમણુંક થતા જાણે ગાઢ નિંદ્રામાં સફાળી જાગી હોય તેમ બાતમીદારો સક્રિય કરી સતત વિદેશી દારૂ ઝડપી બુટલેગરોની ખેપને નિષ્ફ્ળ બનાવી રહી છે સ્ટેટ મોનેટરીંગ સેલમાં એસપી નિર્લિપ્ત રાયના આગમન પછી જીલ્લામાં વિદેશી દારૂની હેરાફેરી અટકાવવા દોડાદોડી કરી રહી છે શામળાજી પોલીસે રતનપુર ચેકપોસ્ટ નજીક ટ્રકમાં રહેલા રહેલા થ્રેસરની અંદરથી 14.70 લાખ રૂપિયાનો વિદેશી દારૂ ઝડપી પાડી બુટલેગરોના મનસૂબા પર પાણી ફેરવી ટ્રક ચાલકને દબોચી લઇ કાયદેસરની કાર્યવાહી હાથ ધરી હતી
શામળાજી પીએસઆઈ ભરત ચૌહાણ અને તેમની ટીમે વિદેશી દારૂની હેરાફેરી અટકાવવા સઘન પેટ્રોલીંગ અને રાજસ્થાન તરફથી આવતા વાહનોનું રતનપુર ચેકપોસ્ટ નજીક સઘન ચેકીંગ હાથધરતાં ટ્રકમાં થ્રેસરની અંદર વિદેશી દારૂની હેરાફેરી થતી હોવાની બાતમી મળતા પોલીસે નાકાબંધી કરી બાતમી આધારીત ટ્રક આવતા અટકાવી તેમાં રહેલા થ્રેસરની અંદર ચેક કરતા પોલીસ ચોંકી ઉઠી હતી અંદર મોટા પ્રમાણમાં વિદેશી દારૂની પેટી મળી આવતા પોલીસે પેટીમાં રહેલ વિદેશી દારૂની બોટલ નંગ-2940 કીં.રૂ.14.70 લાખનો દારૂ જપ્ત કરી ટ્રક ચાલક હરિયાણા રોહતકના મનબીર હરિઓમ નાઈને દબોચી લઈ વિદેશી દારૂ, ટ્રક અને અન્ય ચીજવસ્તુ મળી કુલ.રૂ.22,72,500/-નો મુદ્દામાલ જપ્ત કરી વિદેશી દારૂની હેરાફેરીમાં સંડોવાયેલ ત્રણ બુટલેગરો સામે ગુન્હો નોંધી ઝડપી પાડવા ચક્રો ગતિમાન કર્યા હતા
દારૂની હેરાફેરી કરતા વોન્ટેડ બુટલેગરોના નામ
- સંજય ઉર્ફે પ્રદીપ રવિન્દ્ર જાટ (શેખપુર તિતરી, રોહતક-હરીયાણા)
- લલીત સુભાષચંદ્ર તેવટીયા (જનતા કોલોની, રોહતક-હરિયાણા)
- સંદીપ ઉર્ફે રાકેશ જાટ (નજગઢ-દિલ્હી)