અરવલ્લી જિલ્લાના મેઘરજ પંથકમાં પાણીની વિકટ સમસ્યા છે આ વચ્ચે જિલ્લા કલેક્ટર ડોક્ટર નરેન્દ્રકુમાર મીના બેઠકો પર બેઠક યોજી અંતરિયાળ વિસ્તારોમાં પાણીનું સંકટ ન આવે તેવા પ્રયાસો કરી રહ્યા છે. ઘણાં વિસ્તારોમાં પાણીની સમસ્યાઓ છે આ વચ્ચે જિલ્લા કલેક્ટરે ઊંચા ગામે પાણીના સંપને ખુલ્લો મુક્યો હતો.
મેઘરજ તાલુકામાં આવેલ તરકવાડા ગ્રામ પંચાયત વિસ્તારમાં કલેકટર ડોક્ટર નરેન્દ્રકુમાર મીનાએ મુલાકાત કરી હતી. તેમણે પંચાયત દફતરી તપાસ કરી નાગરિકોના વિવિધ પ્રશ્રનો સાંભળ્યા ઝડથી નિકાલ લાવવવા અધિકારીઓને સૂચનાઓ આપી હતી. વધુમાં પાણીની સમસ્યાનો નિકાલ લાવવા માટે જે તે અધિકારીઓ સાથે ફોન પર વાર્તાલાપ કરી નિકાલ કરી આપવા જણાવ્યું હતું.
જિલ્લા કલેક્ટર તરકવાડા ગ્રામ પંચાયતમા આવેલ ઊંચા ગામે કલેકટર દ્વારા ગામમાં જઈને સંપ ને ખુલ્લો મુક્યો હતો, જેમાં તરકવાડા પંચાયત ના સરપંચ તેમજ સભ્યો મેઘરજ મામલતદાર, અન્ય અધિકારીઓ સહીત ગ્રામજનો હાજર રહ્યા હતા.ઊંચા ગામે પાણી મળતા ગામના લોકોમાં ખુશી જોવા મળી હતી.