અથાણાં વીક: ચણા-મેથીનું અથાણું ઘરે બનાવવા નોંધી લો આ રીત, બારે મહિના મસ્ત રહેશે

ચણા મેથીનું અથાણું અને ભાખરી કે રોટલી ખાવાની બહુ જ મજા આવે છે. જો કે ઘણાં લોકો કહે છે કે ચણા-મેથીનું અથાણું બારે મહિના સારું રહેતુ નથી. આમ જો તમારી પણ આ ફરિયાદ છે તો આ રીત નોંધી લો તમે પણ…

સામગ્રી

2 કપ દેશી ચણા

2 કપ મેથી

1 કિલો અથાણાંની કેરીના ટુકડા

આચાર મસાલો

હળદર

સ્વાદાનુંસાર મીઠું

બનાવવાની રીત

• ચણા-મેથીનું અથાણું બનાવવા માટે સૌ પ્રથમ અથાણાંની કેરીને બે વાર ચોખ્ખા પાણીથી ધોઇ લો.
• ત્યારબાદ કેરીના નાના-નાના કટકા કરી લો અને એક કોટનના કપડામાં કોરા કરી લો.
• હવે આ કેરીના ટુકડાને હળદર અને મીઠાવાળાં કરીને બે દિવસ માટે ઢાંકીને રહેવા દો.
• આ પ્રોસેસ થઇ જાય પછી હવે ચણાને અને મેથીને બે વાર ચોખ્ખા પાણીથી ધોઇ લો.
• હવે ચણા અને મેથી એમ બન્ને અલગ-અલગ વાસણમાં પલાળી લો. ધ્યાન રહે કે આ બે વસ્તુ એક જ બાઉલમાં નથી પલાળવી, નહિં તો મેથીની કડવાશ લાગશે.
• આ ચણા અને મેથીને બે દિવસ માટે પાણી પલાળી રાખો. પાણી તમારે બદલવાનું રહેશે.
• હવે બે દિવસ પછી એટલે કે ત્રીજા દિવસે બેથી ત્રણ વાર ચોખ્ખા પાણીથી ધોઇ લો અને પછી કોટનના ચોખ્ખા કપડાથી લૂંછી લો.
• આ બધું કોરું થાય એટલે એક મોટુ વાસણ લો અને એમાં આ બધુ બરાબર મિક્સ કરી લો.
• ત્યારબાદ આમાં કેરીના ટુકડા અને આચાર મસાલો એડ કરો.
• હવે આ અથાણાંને કાચની બોટલમાં ભરી લો અને પછી બીજા દિવસે ગરમ કરેલું તેલ મિક્સ કરો.
• અથાણું પૂરેપુરં તેલમાં ડુબેલું રહે એ ખાસ ધ્યાન રાખજો.

તો તૈયાર છે ચણા-મેથીનું અથાણું.