ઉનાળાનો સમય છે ત્યારે આગ લાગવાની ઘટનાઓ ઘટી રહી છે, આ વચ્ચે અરવલ્લી જિલ્લાના મોડાસામાં જ્વેલર્સના શો રૂમ નીચે આગ લાગવાની ઘટના ઘટી હતી. શુક્રવારના રોજ સવારના 10.30 કલાના અરસામાં શો રૂમના ભોંયતળિયે આગ લાગતા અફરા-તફરી મચી જવા પામી હતી. આગ લાગવાની જાણ થતાં મોડાસા નગર પાલિકા ફાયર વિભાગની ટીમ ઘટનાસ્થળે પહોંચી ગઈ હતી અને આગ પર કાબૂ મેળવ્યો હતો.
પ્રાપ્ત માહિતી મુજબ મોડાસાના સ્ટેશન રોડ વિસ્તારમાં આવેલા એક જ્વેલર્સ શો રૂમ ના ભોંયતળિયે ઇલેક્ટ્રિક રૂમમાં આગ લાગી હતી, પ્રાથમિક તપાસમાં શોર્ટ સર્કિટથી આગ લાગી હોવાની જાણવા મળ્યું છે. આગ લાગવાની જાણ થતાં મોડાસા નગર પાલિકા ફાયર વિભાગની ટીમને જાણ કરવામાં આવતી ફાયર વિભાગની ટીમ ઘટનાસ્થળે પહોંચી હતી અને પાણીનો મારો ચલાવી આગ પર કાબૂ મેળવ્યો હતો. સદભાગ્યે આગની ઘટનામાં મોટી દુર્ઘટના ટળી હતી.