ગુજરાત સહિત સમગ્ર દેશમાં મોંઘવારીએ માજા મુકી છે ત્યારે તેની અસર અરવલ્લી જિલ્લામાં પણ જોવા મળી. કોંગ્રેસ પાર્ટી દ્વારા મોંઘવારીને લઇને વિરો પ્રદર્શન કરવામાં આવ્યા હતા ત્યારે હવે શ્રમિક લોકો પણ મોંઘવારીનો વિરોધ કરી રહ્યા છે. માલપુર નગરમાં વહેલી સવારે એક એવા દ્રશ્યો સામે આવ્યા હતા, જ્યાં સ્ટેટ હાઈવે પર શ્રમિક અને છૂટક વસ્તુનુ વેચાણ કરી રહેલા આધેડે મોંઘવારી સામે વિરોધ દર્શાવ્યો હતો.
પ્રાપ્ત માહિતી મુજબ હાલ માલપુર નગરના મુખ્ય ચાર રસ્તા પર વહેલી સવારે લોકો માટે એક રમૂજ દ્રશ્યો Live જોવા મળ્યા હતા, જ્યાં વધતી મોંઘવારીને લઇને રોષ ઠાલવી રસ્તા પર સૂઈ ગયો હતો, જેને લઇને ટ્રાફિક જામના દ્રશ્યો સર્જાયા હતા. લોકમુખે એ પણ ચર્ચાઓ ચાલી હતી કે, આધેડ નશાની હાલતમાં હતી, ત્યારે સવાલો એ પણ થાય છે કે, શું દેશી દારૂની પોટલીઓના પણ ભાવ વધ્યા હશે કે શું ?
જ્યારે આધેડ મોંઘવારીને લઇને વધેલા ભાવ ગણાવી રહ્યો હતો ત્યારે સ્થાનિક લોકો પણ પૂછતા હતા કે, પોટલી ?, એટલે કે, પોટલીના ભાવ વધ્યા કે, શું તેવી ચર્ચાઓ પણ ચાલતા લોકોમાં રમૂજ જેવા દ્રશ્યો સર્જાયા હતા. ત્યારે સવાલ એ થાય છે કે, શું માલપુર પંથકમાં દેશી દારૂનું વેચાણ પહેલા કરતા વધ્યું કે શું તે એક સવાલ છે.
માલપુર નગરના મુખ્ય માર્ગ પર આધેડના આ વિરોધને લઇને ટ્રાફિક જામના દ્રશ્યો સર્જાયા હતા, સાથે સાથે લોકો માટે સવારના રમૂજ દ્રશ્યો જોવાનો પણ મોકો મળી ગયો હતો. સમગ્ર ઘટનાને લઇને આધેડનો વિરોધ વ્યાજબી હોવાનું લોકો પણ વાતો કરી રહ્યા હતા કે, ખરેખર મોંઘવારી એ લોકોના જીવન પર માઠી અસર પહોંચાડી છે.
જુઓ Live વીડિયો