ધોધમાર વરસાદમાં મેઘરજ ખંભાળિયા બસનો ડ્રાઇવર વાઈપર કામ ન કરતા વારંવાર બસનો કાચ સાફ કરી બસ ચલાવવા મજબુર બન્યો
એક જાગૃત મુસાફરે ડ્રાઇવરને બસ ચલાવવામાં પડતી મુશ્કેલીનો વિડીયો ઉતારી ગાઢ નિંદ્રામાં રહેલા અધિકારીઓને ઉઠાડવા વાયરલ કર્યો.. જૂઓ VIDEO
બસમાં બેઠેલા પેસેન્જરોએ બસ ડ્રાઇવરની સરાહના કરી પ્રોત્સાહિત કર્યો
સલામત સવારી એસટી અમારી આ સૂત્ર રાજ્ય સરકારની બસો એટલે કે એસટી નિગમનું છે આ સૂત્ર સાથે રાજ્ય સરકાર એસટી બસ સેવાને પ્રમોટ કરે છે ત્યારે એસટી તંત્રની બેદરકારી વારંવાર બહાર આવતી હોય છે એસટી બસોની સમયસર મરામત ન થતા અનેક વાર રસ્તામાં ખોટકાઈ પડતી હોય છે રાજ્યમાં ચોમાસુ શરૂ થાય તે પહેલા એસટી નિગમ દ્વારા પ્રિ-મોન્સૂન પ્લાન બનાવી તમામ બસની યોગ્ય જાળવણી કરવા કરોડો રૂપિયાની ગ્રાન્ટ ફાળવે છે પરંતુ આ ગ્રાન્ટ માંથી કેટલાક ભ્રષ્ટ અધિકારીઓ ખિસ્સા ભરી રહ્યા હોવાની બૂમો ઉઠતી રહી છે અને પ્રિમોનસૂન કામગીરી અંતર્ગત વાઈપર અને તૂટેલા કાચ બદલવામાં આવતા નથી
હાલ સૌરાષ્ટ્ર સહીત ગુજરાતમાં મેઘરાજાની તોફાની બેટિંગ ચાલુ છે ત્યારે મેઘરજ ખંભાળિયા બસનું વાઈપર કામ કરતુ ન હોવાથી ડ્રાઇવરને બસ ચલાવવામાં ભારે મુશ્કેલીનો સામનો કરવો પડતા ડ્રાઇવર થોડી થોડી વારે વરસતા વરસાદમાં રૂમાલથી કાચ સાફ કરવા મજબુર બન્યો હતો
પ્રાપ્ત માહિતી અનુસાર મોડાસા એસટી ડેપોની બસમાં પ્રિ મોન્સૂન રીપેરીંગના કામમાં ભારે વેઠ ઉતારવામાં આવતી હોવાથી કેટલીક બસના વાઈપર બંધ હાલતમાં અથવા તૂટેલી હાલતમાં હોવાનું તેમજ એસટી બસના બારીના કાચ પણ તૂટેલા હોવાથી એસટી કર્મચારીઓ અને મુસાફરોને ભારે હાલાકીનો સામનો કરવો પડી રહ્યો છે