સાબરકાંઠાના ઇડર પોલીસ સ્ટેશનમાં પીઆઈ જાડેજાને બુટલેગરના ભાઈએ ફોન કરી જાનથી મારી નાખવાની ફોન પર ધમકી આપી ગણતરી ની મિનિટોમાં બુટલેગરનો ભાઈ ભગીરથસિંહ સીસોદીયા તેના પાંચ મળતિયાઓ સાથે પહોંચી પોલીસ પર હિચકારો હુમલો કરી તોડફોડ કરવાની સાથે પીઆઈ ઓ.કે.જાડેજાનું ગળું દબાવી દઈ અન્ય કોન્સટેબલ પર હુમલો કરી ફરાર થઇ ગયો હતો ઉચ્ચ અધિકારીઓ ઘટનાસ્થળે દોડી આવ્યા હતા અને 6 આરોપીઓ સામે ગુન્હો નોંધી ઝડપી પાડવા ચક્રો ગતિમાન કર્યા હતા.
ઇડર પીઆઈ જાડેજા પર હુમલો કરનાર ભગીરથસિંહ રાજેન્દ્રસિંહ સીસોદીયા તેના મળતિયા અમિરાજસિંહ હરિશચંદ્ર જેતાવત સાથે બનાસકાંઠાના અમીરગઢના જંગલમાં છુપાયો હોવાની બાતમી એસઓજી પીઆઈ વાઘેલાને બાતમી મળતા એસઓજી અને એલસીબીની અલગ અલગ ટિમ બનાવી તાબડતોડ અમીરગઢના જંગલોમાં પહોંચી બાલુન્દ્રા ગામના જેસોરના જંગલમાં સર્ચ ઓપરેશન હાથધરી જયરાજ પર્વતની તળેટીમાં કેદારનાથ મંદિર નજીકથી દબોચી લેતા બંને આરોપીઓના મોતિયા મરી ગયા હતા બંને ફરાર આરોપીઓને ઝડપી પાડી જેલના સળિયા પાછળ ધકેલી દીધા હતા
સાબરકાંઠા એસઓજી અને એલસીબી પોલીસે 14 દિવસથી પોલીસ પર હુમલો કરી નાસતા ફરતા ખુંખાર મુખ્ય આરોપી અને તેના મળતિયાને જગલમાંથી ઝડપી પાડી હાશકારો અનુભવ્યો હતો