45 ગ્રામ્ય વિસ્તારોના ધોરી સમાન શામળાજી સિવિલ નજીક પુલ ભારે વરસાદમાં ફસડાઈ જતા કામ ચલાઉ સમારકામ કરવા લોક માંગ
થોડા દિવસ અગાઉ અરવલ્લી જીલ્લામાં મેઘરાજાએ ભારે તારાજી સર્જી હતી ઉપરવાસમાં ભારે વરસાદના પગલે મેશ્વો ડેમમાં પાણીની આવક થતા પાણી છોડવામાં આવતા શામળાજી સિવિલ નજીક આવેલો પુલ ધરાશાયી થતા 45 જેટલા ગામડાના લોકોની અવર-જ્વર પર અસર પડી છે પુલ ધરાશાયી થયા પછી તંત્રએ રસ્તો બેરિકેડથી બ્લોક કરવાનું મુનાસીબ ન સમજતા રાહદારીઓ અને ટુ-વ્હીલર ચાલકો જોખમી રીતે પસાર થઇ રહ્યા છે એક્ટિવા ચાલક ગાબડામાં ખાબકતાં શરીરે ઈજાઓ પહોંચતા સારવાર અર્થે દવાખાને ખસેડાયો હતો ખંડિત પુલ પર બેરિકેડ મુકવામાં આવેની લોક માંગ પ્રબળ બની છે
શામળાજી રેફરલ હોસ્પીટલ આગળ થી પસાર થતો રોડ ભિલોડા તાલુકા અને મેઘરજ તાલુકાના 45 થી વધુ ગ્રામ્ય વિસ્તારો માટે
અવર-જવર માટે જીવાદોરી સમાન છે હોસ્પિટલ નજીક પસાર થતી મેશ્વો નદી પર બનાવવામાં આવેલ પુલ થોડા દિવસ અગાઉ વરસાદના પાણીમાં ફસડાઈ પડતા અનેક ગ્રામ્ય વિસ્તારો અવર-જવર માટે પ્રભાવીત થયા છે
શામળાજી સિવિલ હોસ્પિટલ નજીક પસાર થતા પુલનું હંગામી ધોરણે સમારકામ કરવામાં આવેની લોક માંગ પ્રબળ બની છે શામળાજીમાં પુલની આજુબાજુ રહેતા ગ્રામજનોએ સ્કૂલમાં, બજારમાં કે સારવાર કરાવવા જવા માટે ભારે તકલીફનો સામનો કરવો પડી રહ્યો છે