મોડાસા શહેરમાં સિંધી સમાજના અગ્રણીઓ અને વેપારીઓએ ટાઉન પીઆઈને આવેદનપત્ર આપી આરોપીને ઝડપી પાડવામાં આવેની માંગ કરી હતી
અરવલ્લી જીલ્લાના મુખ્યમથક મોડાસા શહેરની મુખ્ય બજારમાં મોબાઇલ શોપ ધરાવતા વેપારી પર રૂપિયાની લેતી-દેતી મામલે અસામાજીક તત્વોએ હુમલો કરી માથું ફોડી નાંખતા ભારે ચકચાર મચી હતી વેપારી પર હુમલાના પગલે બજારમાં ભારે દેકારો મચી ગયો હતો હુમલાખોરો ભાગી જતા લોહીલુહાણ હાલતમાં વેપારીને 108 ઇમરજન્સી એમ્બ્યુલન્સ મારફતે સારવાર અર્થે દવાખાને ખસેડાયો હતો ટાઉન પોલીસે ત્રણ પુરુષ અને મહિલા સામે ગુન્હો નોંધી કાયદેસરની કાર્યવાહી હાથધરી હતી
મોડાસા શહેરની અલંકાર સોસાયટીમાં રહેતા હાસાનંદ જાનીમલ ઇસરાની જુના પોલીસ સ્ટેશન વિસ્તારમાં મોબાઈલની દુકાન ધરાવે છે ચાર વર્ષ અગાઉ રસુલપુર ગામના કમલેશ રતીસિંહ ઠાકોરને દસ હજાર રૂપિયા ઉછીના આપ્યા હતા તેમજ મોબાઈલ રિચાર્જ અને રીપેરીંગના 5 હજાર રૂપિયા લેવાના નીકળતા હોવાથી ફોન પર માંગણી કરતા વેપારીને ફોન પર બિભસ્ત ગાળો બોલી 10 જેટલા લોકો સાથે દુકાન પર ધસી આવી વેપારીને ગડદા-પાટુનો માર મારી લાકડી વડે હુમલો કરી માથું ફોડી નાંખતા ભારે હોહા મચી હતી વેપારી પર હુમલો થતા લોકોના ટોળેટોળા ઉમટ્યા હતા પોલીસ ઘટનાસ્થળે દોડી આવી હતી હુમલાખોરો ફરાર થઇ ગયા હતા વેપારી પર હુમલો થતા સિંધી સમાજના અગ્રણીઓમાં ભારે આક્રોશ જોવા મળ્યો હતો ટાઉન પોલીસને આવેદનપત્ર આપી હુમલાખોરોને ઝડપી પાડવા માંગ કરી હતી
મોડાસા ટાઉન પોલીસે હાસાનંદ જાનીમલ ઇસરાનીની ફરિયાદના આધારે 1)કમલેશ રતીસિંહ ઠાકોર,2)ક્રિષ્નાબેન કમલેશ ઠાકોર,3) વિરલ વિરાણી-પટેલ અને કમલેશના ભાણીયા સામે ગુન્હો નોંધી ઝડપી પાડવા ચક્રો ગતિમાન કર્યા હતા