ઓસ્ટ્રેલિયાના વિકેટ કીપર બેટ્સમેન મેથ્યુ વેડે લગભગ 11 વર્ષ બાદ ઈન્ડિયન પ્રીમિયર લીગ (IPL)માં વાપસી કરી છે. તેણે વર્ષ 2011 બાદ IPLમાં તેની પ્રથમ મેચ રમી હતી. ગુજરાત ટાઇટન્સની જીતમાં મેથ્યુ વેડે પણ મહત્વનું યોગદાન આપ્યું હતું. ખરાબ શરૂઆત બાદ મેથ્યુ વેડે સુકાની હાર્દિક પંડ્યા સાથે મળીને દાવને કાબૂમાં રાખ્યો હતો. તેણે 29 બોલમાં 4 ચોગ્ગાની મદદથી 30 રન બનાવ્યા હતા.
ગુજરાત માટે શુભમન ગિલ સાથે ઓપનિંગ કરવા આવેલા મેથ્યુ વેડે કેપ્ટન હાર્દિક સાથે 57 રનની ભાગીદારી કરી હતી, જે બાદ નીચલા ક્રમના બેટ્સમેનો 159 રનના લક્ષ્ય સુધી પહોંચવામાં સફળ રહ્યા હતા. મેથ્યુ વેડે તેની છેલ્લી આઈપીએલ મેચ આ મેચ પહેલા મે 2011માં દિલ્હી ડેરડેવિલ્સ તરફથી પુણે વોરિયર્સ સામે રમી હતી. જે બાદ તેને 3964 દિવસ બાદ IPLમાં રમવાની તક મળી.
ગુજરાત ટાઇટન્સે અફઘાનિસ્તાનના વિકેટકીપર બેટ્સમેન રહેમાનુલ્લા ગુરબાઝ અને ભારતીય વિકેટકીપર રિદ્ધિમાન સહા કરતાં મેથ્યુ વેડને પ્રાધાન્ય આપ્યું છે. મેથ્યુ વેડે હાલમાં જ T20 ફોર્મેટમાં જબરદસ્ત રમત બતાવી હતી. 2021 T20 વર્લ્ડ કપની સેમિફાઇનલમાં પાકિસ્તાન સામે 41 રનની અણનમ ઇનિંગ આજે પણ યાદ છે. આ મેચમાં મેથ્યુ વેડે 17 બોલમાં 41 રન બનાવ્યા હતા. પોતાની ધમાકેદાર ઇનિંગ્સથી તેણે ઓસ્ટ્રેલિયાને T20 વર્લ્ડ કપની ફાઇનલમાં પહોંચાડ્યું હતું.
મેથ્યુ વેડે પણ લખનઉ સામે શાનદાર પ્રદર્શન કર્યું હતું અને પ્રથમ મેચમાં ગુજરાતની જીતનો પાયો નાખ્યો હતો. ગુજરાત ટાઇટન્સ મેથ્યુ વેડની બીજી IPL ટીમ છે, આ પહેલા તે 2011માં દિલ્હી ડેરડેવિલ્સ માટે 3 મેચ રમવા આવ્યો હતો, જેમાં તેણે માત્ર 22 રન બનાવ્યા હતા. પોતાની પ્રથમ મેચમાં ગુજરાત તરફથી રમતા વેડે 29 બોલમાં 30 રન બનાવ્યા હતા.
