26 C
Ahmedabad
Tuesday, April 23, 2024

EXCLUSIVE: ભિલોડા પોલીસકર્મી નરેશ પટેલની વાહનચાલકોને હપ્તા માટે દમદાટી ભારે પડી,SPએ પોલીસકર્મીને સસ્પેન્ડ કર્યો


અરવલ્લી જીલ્લા પોલીસવડા શૈફાલી બારવાલે ભિલોડા પોલીસ સ્ટેશનમાં ફરજ બજાવતા પોલીસકર્મી નરેશ પટેલનો ગેરકાયદેસર મુસાફરોની હેરાફેરી કરતા વાહનચાલકો પાસેથી માસિક હપ્તો ઉઘરાવવા માટે દમદાટી આપતો વીડિયો સોશ્યલ મીડિયામાં વાયરલ થતા જીલ્લા પોલીસતંત્રની છબી ખરડાતા તબડતોડ સસ્પેન્ડ કરી દેતાં પોલીસ બેડામાં ખળભળાટ મચ્યો છે જિલ્લા પોલીસવડાની સખ્ત કાર્યવાહીથી પોલીસતંત્રમાં ફરજ બજાવતા કેટલાક ભ્રષ્ટ અધિકારીઓ અને કર્મચારીઓમાં ફફડાટ ફેલાયો છે પોલિસતંત્રમાં ફરજ બજાવતા ઈમાનદાર અધિકારીઓ અને કર્મીઓએ SP શૈફાલી બારવાલની કામગીરીને આવકારી હતી.

Advertisement

શું છે સમગ્ર મામલો વાંચો..!!!
અરવલ્લી જીલ્લા પોલીસતંત્ર વર્ષોથી કેટલાક ભ્રષ્ટ અધિકારીઓ અને પોલીસકર્મીઓના હપ્તારાજ અને બુટલેગરો સાથે ભાઈબંધી નિભાવવામાં ખાખીને દાગ લગાવી રહ્યા છે જીલ્લા પોલીસતંત્ર વિવાદનો પર્યાય બની રહ્યું છે ત્યારે ભિલોડા પોલીસ સ્ટેશનમાં ફરજ બજાવતા નરેશ પટેલ નામના પોલીસકર્મીનો છ મહિના જુનો વાહનચાલકો પાસેથી માસિક હપ્તો ઉઘરાવવા માટે દમદાટી આપતો વીડિયો સોશ્યલ મીડિયામાં વાયરલ થતા જીલ્લા પોલીસતંત્રની છબી ખરડાઈ હતી આ અંગે જીલ્લા પોલીસવડા શૈફાલી બારવાલે વીડિયોમાં દેખાતા પોલીસકર્મીની તબડતોડ લાઈવરીઝર્વ મૂકી દઈ હેડક્વાટર નાયબ પોલીસ અધિક્ષકને તપાસ સોંપી ગણતરીના કલાકોમાં પોલીસકર્મી નરેશ પટેલને ફરજ મોકુફ કરી દીધો હતો

Advertisement

ભિલોડા પોલીસ સ્ટેશનમાં ફરજ બજાવતો નરેશ પટેલ નામનો ટ્રાફિક જવાન ગેરકાયદેસર મુસાફરો ભરીને ફરતા વાહનચાલકોને રોડ પર ઉભા રાખી મુસાફરોની ગેરકાયદેસર હેરાફેરીમાં વાહન હંકારવું હોય તો દર મહિને હપ્તો આપવો પડશે અને દસ તારીખ સુધીમાં પૈસા આપી દેવા પડશે કહી બિભસ્ત શબ્દ પ્રયોગ કરવાની સાથે વાહનચાલકોને દમદાટી આપતો હોવાથી પોલીસકર્મીના હપ્તરાજ અને લુખ્ખાગીરીથી ત્રાહિમામ પોકારી ઉઠેલા વાહન ચાલકે પોલીસકર્મી નરેશ પટેલની ફિલ્મ ઉતારી લઇ સોશ્યલ મીડિયામાં અગમ્ય કારણોસર છ મહિના પછી વાયરલ કરતા પોલીસની છબી ખરડાઇ છે પોલીસકર્મીનો વિડિયો સોશ્યલ મીડિયામાં વાયરલ થતા જીલ્લા પોલીસવડાએ તબડતોડ પોલીસકર્મીની લિવ રિઝર્વમાં મૂકી દઈ સોશ્યલ મીડિયામાં વાયરલ વીડિયો અંગે હેડક્વાટર ડીવાયએસપીને તપાસનો આદેશ આપ્યો હોવાની માહિતી પ્રાપ્ત થઈ હતી

Advertisement
Advertisement

Related Articles

LEAVE A REPLY

Please enter your comment!
Please enter your name here

- Advertisement -
- Advertisement -

વિડીયો

- Advertisement -
error: Content is protected !!