અરવલ્લી જિલ્લામાં આરોગ્ય કર્મચારીઓની ક્રિકેટ ટુર્નામેન્ટ યોજવામાં આવી, જેનો શુભારંભ જિલ્લા અધિક આરોગ્ય અધિકારી ડોક્ટર કૌશલ પટેલે શુભારંભ કરાવ્યો હતો. મોડાસાના જીનિયસ ગ્રાઉન્ડ ખાતે આયોજિત આ ક્રિકેટ ટુર્નામેન્ટનો પ્રારંભ થયો હતો, જેનો મુખ્ય ઉદ્દેશ આરોગ્ય કર્મચારીઓ કામના સ્ટ્રેસમાંથી બહાર આવી શકે, આ સાથે જ બિનચેરી રોગોના વધતા પ્રમાણ રમત-ગમતના માધ્યમથી કર્મચારીઓ તંદૂરસ્ત રહી શકે તે હેતુથી ક્રેકેટ ટુર્નામેન્ટનું આયોજન કરવામાં આવ્યું હતું, આ ક્રિકેટ ટુર્નામેન્ટમાં જિલ્લાના વિવિધ તાલુકાના આરોગ્ય વિભાગના કર્મચારીઓ જોડાયા હતા.
છેલ્લા 2 વર્ષથી કોરોના વાઈરસની મહામારી પછી આરોગ્ય વિભાગ દ્વારા આ પ્રકારની રમત પ્રથમવાર આયોજિત કરવામાં આવી હતી, જેમાં જિલ્લાની 8 ટીમ જોડાઈ હતી, અને સ્વાસ્થ્ય તંદુરસ્ત રહે તે માટે આ ક્રિકેટ મેચ યોજવામાં આવી હતી. જિલ્લા અધિક આરોગ્ય અધિકારી ડોક્ટર કૌશલ પટેલ દ્વારા ટોસ કરીને ક્રિકેટ મેચની શરૂઆત કરાવી હતી, આ સાથે જ તેમણે બેટિંગ પર હાથ અજમાવતા કર્મચારીઓનો જોશ અને જુસ્સો વધાર્યો હતો.